SBD Challenge Day #2: Better Than Yesterday

Your first day on South Beach Diet is the hardest! Pero after 2-3 days you’ll feel better with the program. Like today, I feel better. Hindi na ako nagugutom o nag-iisip na gusto kong kumain ng ice cream o ng hopia. Haha! ‘Yung craving ko para sa mga sweet treats ay na-lessen na today. Yay!

Hindi naman talaga mahirap mag-SBD kapag determinado ka talagang pumayat. At para mas maging determinado ako, nagtu-throwback ako sa memory lane. Binabalikan ko ang mga pictures ko, 3 years ago, kung saan ang payat-payat ko pa na resulta din ng SBD ko dati. Kung wala ka namang pictures na payat ko, you can always look at the sexy photos ng idol mong artista for example. Then, set your goals. Tell yourself na after 6 weeks ay magiging ganyan ka din kapag pinagpatuloy moa ng SBD. Disiplina, determinasyon, at mindset lang naman ang kailangan mo para matapos moa ng buong programa ng SBD.

I started my day with a plate of burger! Yes! Pero ‘yung puwedeng burger sa SBD, ha. No fatty beef, no buns. ‘Yung lettuce, tomato, at cucumber na usual veggie na sinasama sa burger ay present. Ang absent nga lang ay ang buns (kasi carb ‘yun) at instead of ground beef I used sardines. Then, I had a 30-minute walk with my dog, Kiefer Jr. Nag-ikot lang kami dito sa lugar namin. Hindi ko kailangan mag-exercise kasi hindi naman requirement sa SBD ang exercise but still since naka-leave ako sa work, I want to maintain an active lifestyle. Kaya nga pag-uwi naming ay naglaba naman ako ng sangkatutak. Ayun, natagtag kaya bagsak sa kama. Haha!

Hindi ako nag-lunch kasi I slept the entire afternoon. I woke up mga 4pm na, I had 2 hard-boiled eggs then nagluto na ng dinner. FYI! Bawal na hindi mag-lunch, ha. Dapat nga 5 times a day ka kumakain sa Phase 1 sabi ng SBD book. Dapat meron kang breakfast, midmorning snack, lunch, midafternoon snack, at dinner. Ang maganda sa SBD ay hindi mo kailangang sukatin ang kinakain mo. kain ka lang. O, I said kain ha not lamon! Haha! Kain ka lang hanggang sa ma-feel mong busog ka na. Don’t be stingy on your serving but don’t overeat, too. ‘Wag gutomin ang sarili. Hindi fasting ang SBD. Kaya if you suddenly feel hungry after an hour of breakfast eh di mag-midmorning snack ka na puwedeng tuna rollups o mozzarella cheese stick o celery stuffed with cheese.

Nagluto ako ng pan-seared chicken breasts at adobong kangkong for dinner. So, I have two recipes for everyone! ‘Yung kinain ko nung breakfast na burger sardines at itong dish ko ngayong dinner. Yay, may pictures na ako! haha! Kahapon kasi nakalimutan kong mag-picture.

Burger Sardines

2 packs of sardines

3 whole eggs

Fresh basil leaves

Salt and pepper

Cucumber, sliced

Tomatoes, sliced

A bed of lettuce

Thousand Island for dressing

Wash your sardines, if in tomato sauce. Then, mash it with a fork. Add 3 eggs, chopped basil, and salt and pepper and mix it together. In a pan, put olive oil in a medium heat. Scoop three tablespoons of the burger mixture into the pan. Fry it like usual. Then set aside, 4-5 burger sardines.

In a bowl or big plate, assemble the cucumber, tomatoes, and lettuce. Put on top of a bed of lettuce the fried burger sardines. Serve it with thousand dressing on top.

Pan-Seared Chicken Breasts

Chicken breasts with no skin

Tomato sauce

Soy sauce

Bay leaf

Garlic cloves, minced

Black pepper

Olive oil

In a bowl, mix the tomato sauce, soy sauce, bay leaf, garlic cloves, and black pepper. Marinate for 2 hours or overnight the chicken breasts into this mixture.

In a pre-heated pan, put 3 tablespoons of olive oil. Put the marinated chicken breasts and sear it 3-4 minutes each side. Serve your pan-seared chicken breasts on top of a Greek salad or on the side of adobong kangkong.

SBD Challenge Day #1: Change is Coming... Again!

Mataba ka. Hindi na kasya sa ‘yo ang damit mo one year ago. Extra rice pa. Lamon pa more. You want to hear these everyday? Or you want to change now. The choice is yours to make.

This is my second SBD book. The first one went missing.

Mahirap daw magpataba at mas madaling magpapayat. Pero ang mahirap kapag mataba ka ay ang pangungutya ng mga tao sa paligid mo. During my first year in college (2010-2011), I was super overloaded and baboy. Then, the following year, as I rummaged around Booksale, nagkita kami ng first South Beach Diet book ko. Hardbound ‘yun. Makapal. Pero wala pa ring kakapal sa taba ko. I finished reading the book in less than three days. From then on, I was persevered na magpapayat dahil sa bagong knowledge na nalaman ko.

It took me two long months to lose almost 60 pounds. I was happy because I was so thin, super sexy, and I was so proud of myself for achieving my goal. But the problem was me. I didn’t follow the South Beach Diet phases and program properly. Feeling ko kasi ang payat-payat ko na. Kaya ayun itinigil ko na siya when I was in my third year (2013). At dahil sa pag-backslide ko dahil nga feelingera akong ang sexy ko na at pang-FHM Sexiest Woman Alive na ako, little did I know, na-regain ko na lahat ng taba na tinanggal ko sa katawan ko. Present day, 2016, I’m back to being the big fat ugly gay I used to be.

A week ago, I went to the clinic because I was feeling sick. There, I saw a weighing scale. I took the courage to weigh myself then boom! I was so shocked to see that I’m back to my previous weight three years ago, I am weighing 233 lbs. again!

With this shocking news, I decided today, January 18, 2017, to put myself on the South Beach Diet program again. But this time, I’ll make this right. For myself and for a better health. Now, I challenge myself on a 6-week South Beach Diet program. So, from January 18 to February 28, 2017 magra-run ang programa ko para sa sarili. I will follow every written word in the SBD book. It will serve as my bible for the next 6 weeks until I reach my target of shedding 50 lbs off of me. I am so determined now that I can do this (again) and I want you to be part of my journey that’s why I’m going to blog about this every night. Gagawin kong diary ang blogsite ko for 6 weeks. Para lang maikuwento ko sa inyo ang paglalakbay ko towards better health, I’ll share my everyday recipes, too. I want you to know more about South Beach Diet. And with this, I wish and hope I’ll inspire you to step up and change for the better you.

So, what is South Beach Diet? Para sa mga hindi nakakaalam, ang South Beach Diet o SBD ay isang diet program na dinesenyo ng isang sikat na cardiologist na si Dr. Arthur Agatston. That’s why I trust this program dahil isang doktok ang gumawa ng SBD at hindi kung sino-sino lang diyan. May iba kasing mga diet books na model ang nagsulat, o nutrionist, o health buff. I have nothing against these people or their programs, I would trust my overall health to a doctor than anyone else. Health ko pinag-uusapan dito at hindi ito biro. At saka proven and tested ko na kasi ang SBD kaya mataas ang tiwala ko dito. I just need to do this right, this time around.

Merong three phases ang SBD. Phase 1, which is the strictest phase na tatagal ng 2 weeks. Dito sa phase na ito ka papayat nang bongga. Approximately 8-13 pounds ang mawawala sa ‘yo during the first two weeks. Good news, mostly belly fats ang matatanggal sa ‘yo kaya you’ll notice the difference immediately. Puwede mong i-extend ang Phase 1 kahit gaano pa katagal o hanggang ma-achieve mo ang target weight mo. Ako, 233 lbs. ako ngayon at tina-target kong magin 180 lbs. in 6 weeks. But remember, kapag na-achieve mo na ang goal mo dapat ay mag-transfer ka na agad sa Phase 2 kung hindi ay magagaya ka sa akin at babalik ang taba mo. Pero kahit pa, it took me 3 years to gain back my original weight. Pero mali pa rin. Kapag mahal mo pero may syota na, let go! Mali, eh! Haha! I’ll talk more about Phase 2 and 3 next time. Focus muna tayo sa Phase 1 ngayon.

                                                                                                                                        

Day 1. I am super excited to start this day. In the morning, I ate a bowl of ginataang langka and half fried tilapia. Pagdating naman nang hapon ay nag-omelette ako.

Scallion Omelette

1 large onion, chopped

3 eggs, beaten

A pinch of salt and pepper

Canola oil

In a pan, pour Canola oil in a medium heat. Sauté chopped onion until translucent. Pour beaten eggs then add a pinch of salt and pepper. Done! You can serve it with blanched green beans on the side.

Eggs are unlimited in this diet! Kaya mag-isip ka na kung ano-anong egg recipes ang gusto mo! You can cook and eat it in this diet. ‘Yung iba sa inyo baka napapataas ang kilay kung bakit unlimited ang eggs sa diet na ito. You may be thinking na fatty ang eggs o bad for our health but in actuality, hindi. Ang isang itlog ay naglalaman ng protina at mataas na lebel ng good cholesterol. So, don’t be afraid with eggs. Masarap ang itlog… lalo na kapag dalawang itlog! Haha!

Tinapos ko ang araw ko sa pagkain ng isang mangkok ng ginisang ampalaya at fried galunggong. Hindi ko na ise-share ang recipe nito dahil napaka-basic lang. I’ll share more recipes sa inyo next time. Good night! Be fierce and fab!

The Macho-Pogi Owner of Piggin’ Out

Photo by Vyn Radovan

Remember the macho-pogi na guy that we spotted sa Piggin’ Out inside Carnival Food Park. Oh my G, kilala ko na siya! I’m such a stalker, I know. His name is Marcy Arellano, a former UAAP Warrior basketball player and now PCBL player. Sorry, I’m not into basketball kaya hindi ko siya namukhaan when we first met. But his handsome features and towering height quickly etched on my mind kaya naman I searched for him. Or stalked? Haha!

Photo by Vyn Radovan

While I was at the Carnival Food Park in Marikina with friends, we sought for a place to dine at. Pero puno na lahat halos ng tables sa dining spots ng Carnival Food Park until we decided to go to the restroom and after which we saw available seats at this pinkish porky food stall named Piggin’ Out. Merong nakaupong macho, poging cute na guy sa isang lamesa eh we were seven at that time so hindi kami kasya sa isang table kaya I asked him kung puwedeng maki-share. He looked at me and said, “Sure. Sige lang.” I thought customer din siya and waiting for some of his barkada so they could dine in sa Piggin’ Out. He stood and walked away from his table. My friends were like, “Uy, grabe ka, Jahr, pinaalis mo si Kuyang Pogi.” And I was like, “Of course not. Nagtanong ako if we could share sa table niya. Malay ko bang aalis siya.” Then, little did I know, nasa loob na siya ng stall ng Piggin’ Out when we ordered. So, owner pala siya nung stall. I mean, he can’t be just a server kasi he was wandering around. Wala namang waiter/server na paikot-ikot na parang boss. Haha! And that’s how we met.

Now, after doing a little research (or stalking for most of it), here are the facts I gathered. Haha! Hindi lang siya basketball player dahil ngayon ay businessman na rin siya. Meron siyang four food stalls around Metro Manila, ang Bistro Wast, Berliner Grill, and Piggin’ Out located at The Vibe Food Park in Quezon City and Carnival Food Park in Marikina.

Hindi pa ako nakaka-try ng food ng ibang food stalls ni Marcy Arellano but so far the dishes they’re serving at Piggin’ Out are beyond delicious! We ordered two sisig meals and a bagnet wrap. Grabe, it’s so moist, fatty, and mouthwatering! Iba ‘yung timpla ng sisig nila, eh. Extraordinary! Kaya punta na kayo sa Piggin’ Out sa The Vibe at Carnival Food Park, hindi kayo magsisisi! A guilty pleasure that’s worth it! This is gonna be your new PORKVORITE!

PS: May asawa’t anak na si Marcy Arellano na katuwang niya sa negosyo nila. At super ganda ng wife niya kaya ‘wag na kayong magbalak kumabit. Walang panama beauty niyo! Haha! Sad truth for us single ladies and gentlemen! Haha!

Welcome to Carnival Food Park!

Napakasayang magsalusalo kasama ang pamilya at mga kaibigan. You know me, I have an eye for great places and food! At ngayong napakadaming food parks ang nagsusulputan kung saan-saan ay sinubukan naming gumala at pumunta sa isa sa mga food parks sa Metro. Nadala kami ng mga paa namin sa Marikina, and I mean this literally, kasi nag-walk-a-thon kami papunta sa isang sikat na food hub sa Marikina ang Carnival Food Park.

At first, I thought may karnibal talaga. Tipong may mga rides like ferris wheel, roller-coaster rides, tapos may circus acts at siyempre kainan nga. But even if it wasn’t what I expected, it still didn’t disappoint me! It was all I want in a carnival-themed food park! Isa itong malaking bakanteng lote na nasa mga 1500+ square meters sa Gil Fernando, Marikina. Isa siyang carnival-themed food park, obvious naman sa pangalan. Haha! What captivated me most was its entrance! It was everything! Makikita mong nagka-cram ang mga tao sa entrance niya para lang mag-video o take ng pictures. Pang-IG talaga (kahit wala akong Instagram). When you enter this food park it feels like you are being transported to a different realm. Tipong Narnia o Alice in Wonderland.

Sa loob ay merong 25-30 stalls, hindi ko na nabilang. Basta maraming food stalls. And they serve a handful of meals and snacks from burgers, pastas, ice cream, rice meals, nachos, fishballs, ramen, and more! Tapos may bar setup sa gitna ng park kaya naman puwedeng-puwede rin ‘to sa mga lasenggero o sa barkada na gusto ng ilang tagay. Ang mga sitting/dining area nila sa itaas na nagsisilbing second floor ay gawa sa mga lumang container vans pati na ang pintuan nila sa comfort rooms ay gawa din sa tinabas na parte ng container van.

Are you excited to go na? G na kayo ng tropa! Kung galing kayo ng Cubao sakay lang kayo ng jeep bound to Marikina. Sakyan niyo ay ‘yung SSS via Blue Wave. Pagbaba niyo ng Blue Wave ay puwede na kayong maglakad sa right side ng kalsada hanggang sa matunton niyo ang Carnival Food Park. Puwede rin kayong mag- LRT2 galing Cubao o Recto tapos baba kayo ng Anonas o Santolan at sakay ng jeep bound to Montalban at sa mismong lugar na kayo nito ibababa. O kung hindi niyo pa rin trip ang mga joyride that I suggested o mga shala-shala kayo at hindi nagji-jeep, sakay na lang kayo ng taxi o Grab o Uber tapos sabihin niyo sa Carvinal Food Park, Gil Fernando, Marikina. Gets na ‘yun ni manong driver!

Tip #1: Don’t go to Carnival Food Park on a weekend. Super daming tao! Mahihirapan kayong makahanap ng seats. Us? We got no choice. Sunday lang ang free day naming lahat. Pero kung bet niyo ang siksikan at waiting galore na may mag-empty ng table/seats, go lang!

Tip #2: We find ways! Oo, nahirapan kaming maghanap ng seats kaya nag-decide kaming mag-ikot at tumingin ng stalls na wala masyadong tao. At meron kayong makikita, ha. Promise. At kung kahit ayaw niyo ng food nila, go lang! Order pa rin kayo ng kahit ano para naman makapag-stay kayo sa reserved seats nila. Pak!

Ngayon, pag-usapan na natin ang hinihintay ng lahat… pagkain! Ang tanong, hanggang saan aabot ang Php 229 mo? Well, aabot ka hanggang langit ng kabusugan! Pito kaming magkakaibigan na pumunta sa Carnival Food Park and we shared everything kaya mas nakamura kami! Bumili kami ng tig-i-isang dish sa iba’t ibang stalls and we shared food. Sharing is caring, right? And it’s always better to share food with your closest friends. It makes the bond stronger. Here’s the list of the stalls and grubs we tried:

Piggin’ Out

Sisig Meal – Php 150

Dito kami nag-stay. Katulad ng sabi ko sa Tip #2 ko, we find ways. Haha! FYI, hindi kami manggagamit katulad ng iba diyan! Mga user-friendly! Pagkatapos nilang makuha ang lahat sa ‘yo, iiwan ka na lang. Char! Haha! Hindi lang kami nag-order ng kung ano lang para magamit ang dining area nila. We really loved their sisig and... the macho, poging owner nito. I didn’t get his name, though. Haha! I'll update you kapag nalaman ko na ang name niya! Haha!

Brewskie Pasta Hub

Fatty Krabby – Php 178

Here, we ordered Fatty Krabby. Pero sana nga they named it Krabby Fatty na lang, eh. Wala lang, I love Spongebob Squarepants! Anyway, our order was a linguine pasta with special aligue sauce and shrimp. Super sarap! Not your ordinary pasta dish, it was extraordinary! That aligue sauce was creamy, milky, and delicious in all forms!

Tori Joint

Tonkotsu Ramen – Php 200

I love ramen so much! Kaya walang duda na isang mangkok ng ramen ang in-order namin. We ordered Tonkotsu Ramen and it tasted very authentic. I loved its firm noodles and the soup was excellent.

The Amazing Churros & Fantastic Dips

The Amazing Churros Ice Cream – Php 100

The marshmallow-coated churros were A+mazing! ‘Yung ice cream naman mismo ay masarap din, it resembled to a taste of Hersey’s dark chocolate. It was a bowl of sweet overload that Willy Wonka would be proud of!

Hip On

Mixed Balls – Php 50

Dalawang order ng Mixed Balls nila ang in-order namin sa Hip On para sa aming appetizer. May halong fishballs, squid balls, chicken balls, at kikiam ang isang order ng Mixed Balls kasama ang sweet and spicy sauce nila.

Bar Area

May dalawang parte sa bar area. Ang una ay nagbebenta ng mga alcoholic drinks such as cocktails at beer. Ang pangalawang bahagi naman ay kung nasaan ang mga non-alcoholic drinks like raspberry punch at green iced tea na aming in-order. Tip #3: We find ways… again! Nung mag-o-order na kami ay wala na daw big bowl na Php 120 lang

Big Bowl Punch – Php 120

na kasya sa 4-6 katao, ang meron na lang daw ay ‘yung Php 100 na large bowl na dalawa lang ang makaiinom. Wala na daw kasi silang available basyo ng big bowl, lahat daw nasa dining area na. Kaya nag-ikot kami ng kaibigan ko para maghanap ng mga tables na tapos ng uminom ng mga punch nila. We used a little bit of our waitering skills and asked some customers, “Are you done with that?” Sabay kuha ng basyo ng big bowls nila para magamit namin sa aming orders. Eh di nakatipid kami. Told you, we find ways! Haha!

Senorita

Live Action Nachos was our order here. Isang plato ng crispy nachos, cheese, ground beef, jalapeno, corn, at ang kanilang special sauce. Isang appetizer na napakasarap!

Live Action Nachos – Php 190

Hungry Heroes

Hunger Heroes Burger – Php 150

Isang burger na may malaking patty at isang ring of pineapple at isang cheesy, mushroom bacon burger na talaga nga namang napakasarap! Isang kagat lang lasap mo ang sarap. Hindi isang kagat, tinapay lahat. Haha! This was one of my best burger experiences ever! I will truly order one of these again! Worth every money spent!

Now, let’s see kung umabot ba sa P229 ang gastos ko sa Carnival Food Park sa Marikina. Here’s the total computation:

Piggin’ Out’s Sisig Meal – Php 300 (two orders)

Brewskie’s Fatty Krabby – Php 178 (one order)

Tori Joint’s Tonkotsu Ramen – Php 200 (one order)

The Amazing Churros Ice Cream – Php 100 (one order)

Hip On’s Mixed Balls – Php 100 (two orders)

Bar Area’s Big Bowl Punch – Php 240 (two orders)

Senorita’s Live Action Nachos – Php 190 (one order)

Hunger Hero Burger – Php 300 (two orders)

Total food cost: Php 1608 / 7 people = Php 229 per person

Wow, amazing! Pitong tao ang nabusog sa halagang Php 229 kada isa. Not bad at all. Alam niyo bang umuwi kaming super sakit ng mga tiyan sa kabusugan. Haha! Hindi lang kami busog, nag-enjoy pa kami sa napakagandang view ng paligid. Halika na, dalhin na ang buong barkada at pamilya sa Carnival Food Park. I’m sure lahat kayo ay mag-e-enjoy dito! Gora na!

Babala: Bawal ang Plastik at Mapapel!

Kung akala mo sa love life lang may mga ahas, aba, nagkakamali ka! Dahil hindi lang naman sa Pokémon may Ekans at Arbok, madami ka ding mga ahas na kaibigan. ‘Yung akala mo kaibigan mong tunay ‘yun pala kapag hindi ka na nakatingin kung ano-anong sinasabing masasamang bagay tungkol sa ‘yo. Kapag nakatalikod ka na, tinutuklaw ka na pala. ‘Yung “bes” pa ang tawagan niyo, eh peste naman pala siya! Mga lason ng lipunan!

Minsan nakakatakot na ring magtiwala sa ibang tao, eh. Hindi mo kasi alam kung totoo ba talaga sila sa ‘yo o pinaplastik ka lang nila. Kaya isa lang ang pagkatiwalaan mo—sarili mo. Kasi kung akala mo tuwang-tuwa siya sa mga inspiring messages at posts mo sa Facebook, hindi mo alam annoyed na pala siya sa ‘yo. At magugulat ka na lang unfriended ka na. Ano bang ginawa mong kasalanan? Nag-away ba kayo? Kung nag-away man kayo pero nagkabati naman at asal bitch pa rin siya sa ‘yo, ang ibig sabihin lang niyan, nagtanim siya ng sama ng loob sa ‘yo o sadyang insecure lang siya sa ‘yo. Ganda mo kasi, ‘te! How to be you po? Haha! Pero aminin mo, masakit isipin na wala ka namang ginagawang masama o kasalanan sa isang tao tapos malalaman mo sa ending pinaplastik ka lang pala niya. Itinuring mong kaibigan pero nagtanim pala ng galit sa ‘yo. Eh kung kamote na lang itinanim niya, eh di may pampautot pa sana siya!

Mahirap makipagsabayan sa mga bes o kaibigan nating plastic at mapapel. Kung puwede nga lang i-donate sila sa Juan for All, All for Juan ng Eat Bulaga siguro nakagawa na tayo ng tatlong daang silya para sa mga classrooms sa Pinas. Kung puwede lang sana, para naman maging useful ang pagiging plastik ng mga kaibigan mo. Pero kung hindi mo na talaga sila matiis ay puwede mong gawin ang dalawang bagay. Una, ‘wag mo na lang silang pansinin because they’re not worth your time. Madami pa diyang bagay na dapat mong bigyan ng pansin. Kaysa ubusin mo ang oras mo sa pakikipag-away sa kanila, patawarin mo na lang at ipagpasa-Diyos. Pangalawa, kung gusto mong maalis ang inis mo sa mga taong pinaplastik ka lang at napakamapapel, then, go on, release your emotions. ‘Wag mong ikinukubli ‘yan baka mautot ka pa niyan. Haha! Or use this, copy + paste mo ‘tong open letter na ginawa ko at isampal mo, ehem, not literally, ‘wag marahas sa ahas. Living thing pa rin ‘yan! Haha! I-post mo na lang sa Facebook at i-tag siya para damang-dama niya!

OPEN LETTER PARA SA KAIBIGAN KONG PLASTIK AT MAPAPEL:

Wow! I treated you as a friend, as a sister but then after all this time, pinaplastik mo lang pala ako! Wala naman akong ginagawang masama sa ‘yo. You said that my inspirational annoying words and acts have inspired you to unfriend me on Facebook. And why? Because you were simply annoyed. What a petty alibi! The guts, girl! I don’t need you. Hindi ka kawalan sa 5000 Facebook friends ko! But you know what, this is so much better! Thank you for unfriending me! Thank you for staying out of my life! I don’t need some crappy little shitty bitch wandering inside my inner circle. You’re a waste of my precious time! Go ahead and live alone in your delusional little psychotic world! Don’t get a little too over yourself, missy. You are not the world’s greatest! You are just some megalomaniac prick! Face the truth! At least, alam kong malinis ang kalooban ko at nakakatulog ako nang mahimbing tuwing gabi. Eh, ikaw? Kawawa ka naman. Ipagdadasal na lang kita. Sana bigyan ka ni Lord ng magandang pag-uugali para naman tigilan mo na ang pagiging plastik at mapapel. Life is too short. We only live once, kahit ahas ka pa. Mag-ingat ka baka sa mga pinaggagawa mo, karmahain ka. Remember, karma is a bitch… and so are you! Love you much, bes!

Ang tanong mo ngayon, paano ba pumili ng “perfect friend”? Una sa lahat, alamin mo muna kung sino ba ang mga dapat mong iwasan. Kung meron ka mang kaibigan sa school o work na mapapel, bida-bida at feeling magaling, lumayo ka na! I’m sure, gawa siya sa disposable spoon! 100% plastic! Pagkatapos mong gamitin, itatapon mo na. Useless na, eh. Maghanap ka na lang ng ibang kakaibiganin kasi ang mga ganyang uri ng tao ay ‘yung mga ayaw magpatalo. Laging mapapel, ending, aahasin ka niyan! Sisiraan ka sa mga taong nakakakilala sa ‘yo para mapunta ang simpatiya sa kanya, para siya lang ang sikat! Well, pasikat! Ikaw na, ipasok ‘yan sa PBB House kasama ng isang libong cobra!

Ngayon, paano ka pipili ng “perfect friend”? Well, I don’t believe in the word “perfect”. Walang perpekto sa mundo, maganda meron… ako ‘yun. Haha! Pero perpekto? Wala. Hindi ikaw, hindi ako, Diyos lang ang perpekto. Kaya kung “perfect friend” ang hanap mo, ‘yung kaibigang hinding-hindi ka aahasin, ‘yung kaibigang laging nandiyan sa tabi mo, ‘yung mahihingahan mo ng sama ng loob, ‘yung makakasama mo sa hirap at ligaya, ‘yung gagabayan ka sa tamang landas, aba’y nandiyan lang siya sa tabi mo. Excited na nga siyang i-add ka sa Friend List niya pero hindi sa Facebook kundi sa Book of Life niya. Kaya i-confirm mo siya agad, ha. Ang pangalan niya ay Jesus Christ.^^

Nagseselos Ka, Kayo Ba?

‘Yung kaibigan mo niyayakap niya pero ikaw pinagtatabuyan niya kapag niyayakap mo siya. Tapos tatawagin ka pa habang magkayakap sila para pagselosin ka. Mga haliparot! So, sa tingin mo napagselos mo ako sa lagay na ‘yan? Wow, ang pogi mo naman talaga! Hiyang-hiya si James Reid sa ‘yo. Halika nga, pakukot gamit ang nail cutter! Nakakagigil kasi ‘yang kapogian mo! Feelingero much! FYI, wala akong pakialam kahit pa maglaplapan kayo sa kalye! Hindi ako nagseselos, galit ako!

Nagmadali na akong umuwi pagkatapos ng eksenang ‘yun. Sumakay ako agad sa bus at napagdesisyonang dumiretso sa Quiapo para aliwin ang sarili. Naglakad-lakad ako sa Quiapo, dinaanan ko ang hopian, mga tindero ng mga gamit sa bike, mga pagawaan ng mga pekeng IDs at diplomas, at napadaan din ako sa shop ng iba’t ibang DVDs. Pinasok ko ang DVD shop at bumili ng bagong season ng mga American TV Series na pinanonood ko katulad ng Two Broke Girls, Once Upon a Time, at Empire. Idinagdag ko rin ang pagbili ng bagong album ni Britney Spears. Yes, August 23 nang binili ko ang album ni Brit kahit na August 26 pa ang official release nito. Iba talaga sa Quiapo! Nauna pa. Astig, eh! Haha!

Pagkatapos ng aking munting shopping galore sa Quiapo ay kumain ako sa labas ng DVD shop ng paborito kong pares mami at tokneneng. At habang sumusubo ng mainit na sabaw ng mami ay may tumugtog sa katabing bilihan ng CDs: “You’re just too good to be true, can’t take my eyes off you. You’d feel like heaven to touch. I wanna hold you so much...” Badtrip! ‘Yan ‘yung song na kinakanta ko sa kanya! Wala akong paki! Lamon pa rin! Tapos biglang sumunod sa playlist ‘yung, “Why do birds suddenly appear? Everytime you are near. Just like me, they long to be. Close to you…” ‘Nyeta much! ‘Yun ‘yung song na lagi niyang kinakanta! At dahil paulit-ulit kong naririnig na kinakanta niya ang Close To You ng Carpenters ay naka-embed na ‘to sa utak ko. Kaya sa tuwing naririnig ko ang kantang ‘to (pati na ang iba niya pang paboritong kantahin katulad ng Endless Love at When You Say Nothing At All) ay napapangiti na lang ako. And right that moment kahit inis ako, napangiti na lang ako bigla. God, no! Why are these songs hunting me? Jahr, galit ka! Magalit ka! Sumibangot ka. Don’t smile, bitch!

Sabi nila, ang selos daw ay isang emosyong kailanman ay hindi mo mapipigilan. True that! Pero uulitin ko, hindi ako nagseselos, galit ako… siguro? Siguro nga selos ‘to. Kasi napansin din ng iba kong kaibigan ang naging reaksyon ko sa nakita kong eksenang yakapan at nilapitan agad nila ako para i-comfort. Pero ngumiti lang ako para kunwari hindi masakit. Yes, I’m a great pretender! Pero sa lahat ng emosyon na ipinapakita ng tao, selos ang pinakamahirap itago. Kung selos man ‘tong nararamdaman ko katumbas siguro ng salitang selos ang salitang gusto ko, ako lang. Kasi hindi naman ako makararamdam ng ganito kung sana ako ‘yung niyakap. Kung ako na lang sana.

Sige na nga, for the first time, aaminin ko na… hindi ako galit, nagseselos ako! Nagseselos ako kapag kinakausap mo ang tropa ko. Nagseselos ako kapag napapatawa ka nila. Nagseselos ako kapag sila puwede mong yakapin o i-holding hands in public pero ako hindi. Nagseselos ako sa mga taong nagiging malapit sa ‘yo lalo na kapag wala ako. Hindi naman sa selfish ako o possessive. Takot lang akong maging masaya ka sa iba at makalimutan mo kung paano kita napasaya. O ano? Happy ka na?

Baka sabihin niyo naman ang insecure ko, ha. O, ano kapag nagselos, insecure agad? Sige nga, ikaw, kapag may lumandi sa taong mahal mo, matutuwa ka ba? Kaya selos na selos ako… kahit hindi naman kami. Siguro kaya ako nagseselos kasi nga mahal ko siya kahit na alam kong wala akong karapatang magselos kasi nga wala akong karapatan sa kanya. Walang “kayo”, walang “tayo”. Ang saklap lang talaga ng realidad, eh. Minsan selos ka nang selos, kaibigan niya lang pala. Minsan naman selos ka nang selos, kaibigan ka lang pala. Ouch, bes!

Maginoo Pero Medyo Feelingero

Define “feelingero”. Isang lalaking feeling pogi, feeling crush ng bayan, ‘yung feeling niya he got it all! Hoy, hindi ka SM! SM lang ang may karapatang magsabi ng We’ve Got It All!

Minsan nagiging feelingero at feelingera rin tayo pero ilagay naman sa tamang lugar. Hindi ‘yung kung maka-arte ka akala mo rich kid ka. Social climber lang naman. Tipong bibili ng kape sa Starbucks, ite-takeout pa kunwari para ipagyabang at i-display sa mall habang naglalakad eh nakatsinelas lang naman na Rambo. Tapos pag-uwi walang pambili ng bente-singkong ulam kila Aling Ising. Feelingero kasi!

Minsan naman kung umasta akala mo pag-aari ang Universe. Kung makarampa ng bagong biling damit akala mo nasa isang beauty contest. Tuwang tuwa siya kasi pinagtitinginan siya ng mga tao. Akala niya naman tinitignan siya kasi gandang-ganda sa kanya. Hindi niya alam kaya pala siya pinagtitinginan kasi mukha siyang tanga! Lampas pala kasi ang lipstick niyang MAC daw ang tatak, kahit na catsup lang pala sa McDo. Ayos mukha! Kung kasing ganda at sexy mo si Pia Wurtzbach, go, umasta kang Miss Universe. Mag-feeling ka all you want! Pero kung hindi, shut up ka na lang!

Madami rin sa ‘tin ang nagfi-feeling sa buhay pag-ibig. Kaya marami rin sa ‘tin ang nasasaktan, umaasa, nagpapakatanga, kaya ending, nasasaktan! Pero hindi ako naiinis sa mga taong nagfi-feeling crush ng crush nila kasi nagmamahal lang naman sila, mas inis ako sa mga taong feeling patay na patay ang isang tao sa kanya! Feelingero much! Tandaan, hindi porke’t lagi kang niyayakap ng isang tao, mahal ka na. Hindi porke’t lagi kang hino-holding hands, mahal ka na. Hindi porke’t lagi kang china-chat, mahal ka na. Hindi porke’t lagi kang nililibre ng lunch, mahal ka na. Hindi porke’t sinabi niyang crush ka niya, mahal ka na agad! Ang taas kasi nang tingin mo sa sarili mo kaya akala mo mahal ka niya, ‘yun pala minumura ka na!

Maaaring gawin ng isang tao ang mga nabanggit ko pero hindi ibig sabihin nito na mahal ka na niya. Masyadong malalim ang salitang “mahal” para gamitin mo at mag-feeling na mahal ka talaga nung tao. Maaaring mabait lang siya sa ‘yo, concern lang sa’ yo, o malambing lang talaga. ‘Wag mong bigyan ng kulay, na biglang sasakyan mo na ang biruan niyo. Hanggang papaasahin mo na siya! Magfi-feeling pogi ka na naman kasi may isang tao kang napakilig. Hoy, tandaan mo kahit wala ka kinikilig pa rin siya… kapag umiihi! ‘Wag kang magbunyi dahil may napasaya ka na namang tao dahil ang totoo niyan mukha kang clown! May napasaya ka nga but it was all behind that mask. It was all fake!

Tapos kapag dumating ang araw na fall na fall na siya sa ‘yong hinayupak ka, aasta ka ngayong kunwari naiilang ka, lalayuan mo na siya. Kapag ginawa niya ulit ang mga dating ginagawa niya sa ‘yo katulad ng biglaang pagyakap ay hahatakin mo ang mga kamay niya papalayo sa katawan mo. Tinatanggal mo na ngayon ang kamay niya sa mga kamay mo. Hanggang sa iiwasan mo na siya. Wait a minute, with this being said, baka ikaw naman pala ang may gusto kaya ka naiilang at umiiwas. Pwe! Tigilan mo ‘ko!

Sige, sabihin na nating may itsura ka, may dating, magaling mambola, sweet, maginoo pero hindi ibig sabihin na crush ka na ng lahat! At kung meron mang taong nagkaka-crush sa ‘yo, magpasalamat ka. Buti nga, out of billions of people, may nagka-crush sa ‘yo! Maging masaya ka kasi may naka-appreciate sa ‘yo, i-appreciate mo rin siya. Hindi ‘yung para kang nandidiri kapag lalapit siya sa ‘yo! Hindi siya tae, tao siya kaya wala kang rason para pandirian siya. Pero pakatatandaan na kahit crush ka niya wala kang karapatang paasahin siya sa wala! Tae lang ang pinaglalaruan! Muli, tao siya at may damdaming puwedeng masaktan. Magpakumbaba ka nga! Baba na! Bumaba ka naman, ang taas-taas ng tingin sa sarili, eh. Don’t get a little too over yourself. Nakamamatay ang pagiging feelingero!

What to Expect at the WNGF Writing Workshop?

Well, don’t expect! Masasaktan ka lang. mahirap mag-expect, mag-assume, magpakatanga! But thank God, this one’s different from that guy na pinapaasa ka lang. Dahil sa Write Near, Go Far (WNGF) Writing Workshop ay hindi ka namin papaasahin, we will give you big expectations without disappointment. What to expect? Here’s the list:

GREAT LECTURES!

Madami kayong matututunan sa workshop na ito from writing, editing and even self-publishing your work. Yes, ‘yung pangarap mo lang dati na maging libro ang mga stories mo, na maging isang published writer ka will now finally come true.

Iba’t iba ang topics na ilalatag namin sa inyo para naman uuwi talaga kayong mas efficient na writer katulad ng theme ng workshop na ito: “The Journey in Becoming an Efficient Writer”. Expect lectures about story plotting, character profiling, proper usage of grammar and punctuations, how to pass a call for submission, how to handle rejections, and the 10 Secrets of Writing to be shared and revealed by Jahric Lago. Plus, experiences and stories of writing journey from great writers!

GREATER GUESTS!

Kung merong magagandang lectures aba meron din dapat magagaling na lecturers. Aside from the founders of this workshop, the editor and writer of PSICOM’s Kilig Republic, Melai Quilla, and the editor, blogger, and author of Anong Klaseng Estudyante Ka?, Jahric Lago, we have others guest-writers katulad ni Ryan Labana na writer ng Precious Heart Romances at contributing writer ng PSICOM’s Heartbreaker series. Makakasama din natin si Karl Marx S.T. na author ng mga librong May Amnesia Si Girl at Miss Tinapay & Mr. Adonis. Makikita niyo rin si Mark Carl Gonzales na Sales & Marketing Manager ng PSICOM Publishing Inc. kung saan siya ay magbabahagi ng realidad sa publishing industry. Then we have Sharron Navera, ang creator at editor ng bestselling series na True Philippine Ghost Stories.  

DREAMLOVERS LAUNCH

Yes, writing workshop ang pupuntahan niyo. But this will be a double event, double celebration! Dahil book launch din ito ng kauna-unahang libro ng Jahric Lago Presents (JLP), a self-funded, self-publishing project that gives an opportunity to writers in getting their works out there, to their readers.

Ang Dreamlovers ay isang libro kung saan nakapaloob ang mga napakagandang kuwento tungkol sa tunay na pag-ibig from young and aspiring writers na nanalo sa writing contest. Magaling ang pagkakasulat, maganda ang mga kuwento, nakakakilig, nakakaasar, nakakainis at talagang makaka-relate ka. Mapa-bata, mapa-matanda, bitter ka man sa love, o hopeless romantic, dahil sa Dreamlovers, may kuwento para sa lahat, may kuwento dito para sa ‘yo.

BOOKS ON SALE!

Yes, on sale! Madami kayong makikitang libro na exclusively on sale lang sa WNGF event. Siyempre una na rito ang Dreamlovers na from Php 199 ay Php 149 na lang on May 31. At madami pang PSICOM books at libro ng mga guest-writers ang mabibili niyo on super low prices. Here’s the list of some of the books on sale:

Jahric Lago Presents: Dreamlovers – from Php 199 to Php 149

Heartbreakers: Special Edition – from Php 100 to Php 70

Anong Klaseng Estudyante Ka? – from Php 150 to Php 100

Dreamland – Php 85 – Php 50

#JahricLagoSays – from Php 85 each to Php 150 for two books

J.CO TREATS!

We clearly state na FREE workshop ang WNGF. But since gaganapin ito sa J.Co Greenhills Promenade and we’re kind of renting the place, everyone will be paying Php 100 at the registration. But that comes with J.Co’s Rise & Shine Breakfast Promo kung saan meron ka ng J.Club Sandwich with choices of Cheezy Rich, Sausage or Salami. Plus, a cup of iced coffee or iced lemon tea. Who doesn’t want a J.Co treat, right? Saka sino bang gustong mag-aral ng gutom? No one. In short and to be brutally honest, ‘yung babayaran niyong Php 100 ay kakainin niyo rin at hindi mapupunta sa kahit sinong bulsa ng organizers. Mind you, self-funded ang WNGF Writing Workshop. Saka si Duterte na ang Presidente ng Pilipinas, bawal ang kurap! Just saying.

SUPER PRIZES!

Alam kung mag-e-enjoy kayo sa WNGF workshop na ‘to kasi marami kayong matututunan pati na rin makikilalang mga bagong kaibigan. Pero maliban rito, mag-e-enjoy rin kayo sa mga hinanda naming iba’t ibang Games & Activities kung saan puwede kayong manalo ng books from international writers at iba pa. Mga simpleng writing exercises at trivias lang naman ang sasagutin niyo para manalo ng house and lot… sa paso! Chos! Haha! Exciting, right? Natuto ka na, nanalo ka pa.

GET KNOWLEDGE AND A CERT!

Everyone who will be joining the WNGF workshop will not just take home new knowledge about writing, editing and self-publishing, great prizes from games, and newfound friendship but also a certification that can attest that you are finally on your journey in becoming an efficient writer. Kaya kita kits tayong lahat sa Write Near, Go Far Writing Workshop on May 31, 2016, 9:00am-3:00pm at J.Co Greenhills Promenade. See you there! Be there and be better!